Кыргыз Республикасынын алты аймагындагы Ишкерликти колдоо борборлорунун консультанттары үчүн, Бишкектеги ОБСЕ Программалык кеңсесинин колдоосу менен эки күндүк тренерлерди окутуу тренинги (ToT) өттү. Бул иш-чара Кыргызстандын бардык аймактарынан келген Ишкерликти колдоо борборлорунун консультанттарын бириктирди.
Окутуунун негизги максаты — консультанттардын потенциалын чыңдоо, консультациялык кызматтардын сапатын заманбап ыкмаларга жана стандарттарга ылайык жогорулатуу, ошондой эле Ишкерликти колдоо борборлорун андан ары өнүктүрүү үчүн стратегиялык артыкчылыктарды, жаңы долбоорлорду жана демилгелерди талкуулоо болду.
Тренингди 22 жылдан ашык тажрыйбага ээ, чакан жана орто бизнести өнүктүрүү, бизнес-пландоо жана стратегиялык башкаруу тармагындагы консультант, тренер жана ишкер Назгүл Шекекова өткөрдү.
Эки күндүн ичинде катышуучулар тажрыйба алмашып, кесиптик компетенцияларын чыңдашты жана ишкерлерди өлкө боюнча дагы натыйжалуу колдоого жардам бере турган жаңы инструменттерге ээ болушту.
